七一遊行 無線新聞繼續是但
七一遊行隊伍 :「無線新聞 是是但但 」,「CCTVB」
七一遊行 抗議無綫線新聞片段
市民不滿 CCTVB，針對埋記者，激喊郭詠嘉。
TVB小花激到喊 (蘋果日報) 2009-07-03
市民不滿無綫新聞，令 TVB記者備受壓力，有新聞小花更激到喊。話說 7.1當日， TVB記者郭詠嘉在維園報道時企喺採訪車頂，以避免事旦男上鏡，唔少市民在旁冷嘲熱諷，甚至向佢舉中指，八方聽聞郭詠嘉情緒已頗為低落。
後來遊行隊伍去到政府總部，準備做現場直播，點知市民不滿 TVB聲音越來越烈，甚至針對埋記者，指住郭詠嘉講：「呢啲事事旦旦電視台，唔好做啦！」此言一出，郭詠嘉即時爆發，回敬一句：「我唔事事旦旦㗎！」之後終於崩潰淚灑當場，本來做直播都要押後，等佢平復心情才可出鏡。
一間新聞機構編輯方針，豈是個別記者可左右？八方都係做傳媒，對此好明白，觀眾睇唔過眼 CCTVB所為，向大老闆、負責人追究先啱數，何必為難前線記者？八方知道近期 TVB記者在街上做新聞時都被指指點點，新聞部話事人袁志偉就未必感受到群眾壓力嘞。
事旦男出招，連亞視都受牽連，事關唔少人模仿佢，趁記者做現場直播時博出鏡， 7.1遊行當日就有反禁煙人士在亞視記者身後搞搞震。
